Хэнтий аймгийн хөтөлбөрт голуудын усны чанарын 2020 оны 11 дүгээр сарын төлөв байдал

1. Хэрлэн голын усны чанар

 Усны чанарын хяналт-шинжилгээний хөтөлбөрийн дагуу 11 дугаар сарын 18-нд, Хэрлэн голын дагуу Чингис хотоос дээш, доош хяналт-шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Тэдгээр сорьцод хийсэн шинжилгээний дүнгээс үзэхэд: Хэрлэн голын дагуу ууссан хүчилтөрөгчийн горим хэвийн хэмжээнд байсан ба өнгөрсөн сартай хараьцуулахад ууссан хүчилтөрөгчийн хэмжээ бага зэрэг өссөн байна.Голын усны эрдэсжилт, хотоос дээш болон доош хэвийн хэмжээнд 107.9мг/л-109.9мг/л байв.Өндөрхаан дээд  сульфатын үзүүлэлт  10-р сартай харьцуулахад 10.1мг/л-с 23.5 мг/л болж өссөн бол натри калийн үзүүлэлт  14.8 мг/л  болж өссөн байна. Өндөрхаан доод 10-р сард сульфат13.2 мг/л   байсан бол 11-р сард 25.2 мг/л болж өссөн байна.

Бусад үзүүлэлтээр өнгөрсөн сартай харьцуулахад  гол ионы үзүүлэлт бага зэргийн хэлбэлзэлтэй байсан ба усны чанарын стандарт MNS4586-98 дахь хүлцэх агууламж /цаашид ХА гэх/-аас даваагүй  байна.